ගිනිහුළ

2024 න් කෙනෙකුට උගත හැකි වැදගත්ම පාඩම නම් බොරු නොකියා සිටීමේ වැදගත්කමයි. ඒ සඳහා මාලිමා ආණ්ඩුවේ ඕනෑම බොරුකාරයෙක් උපමාවට ගත හැකිය. නමුත් මේ දිනවල ප්‍රසිද්ධ බොරුකාරියකගේ කර්ම විභාගය මෙහි ලා කාලෝචිතය.  කෙනෙකු දැන හෝ නොදැන හෝ බොරුවක් කිව හොත් ඉක්මනින් හෝ කල් ගත වී හෝ එයට විපාක ලැබේ. “උගන්ඩාවට ඩොලර් ගෙන ගිය” බොරුව ලක්ෂ හැට අටක් පමණ වන මෝහාන්ධකාරයේ ගිලුණු පෘථග්ජනයා හෙවත් උපන්ගෙයි මෝඩ ජනතාව විශ්වාස කළේය. එය බොරුවක් බව බොරුකාරිය විසින්ම පිළිගත් පසු තමා රැවටුණු බව වැටහුණු මෝඩ ජනතාව බොරුකාරියට නින්දා අපහාස කරන්නට විය. කර්මය සහ විපාකය යනු එයයි. බොරුකාරිය විසින් රැවට්ටුවේ මෝඩයන් එකෙකු දෙන්නෙකු නොවේ. මුළු රටක්ම රැවටුණාය. එවිට විපාකය එයට සාපේක්ෂව දරුණු වේ. මන්ද එසේ රැවටීමට ලක් වූ සියලු දෙනා ඇයට එරෙහිව අවමන් කරන නිසාය. එබැවින් ඔබ යමක් පවසන විට එය සත්‍යයක්මදැයි හොඳින් විමසා බලන්න. සුළු හෝ සැකයක් ඇත්නම් එය පැවසීමෙන් වළකින්න. විශේෂයෙන්ම ප්‍රසිද්ධියේ කතා කරන විට සියපාරක් හිතන්න. තවද බොරුකාරිය පැවසුවේ කුඩා බොරුවක් නොවේ. රුපියල් ගණනක බොරුවක්ද නොවේ. ඇය පැවසුවේ ඇමරිකන් ඩොලර් බිලියන ගණනක මහා විශාල බොරුවකි....

මොනවා වුණත් අනුරගේ ආණ්ඩුව තමන්ගේ tax ආදායම එකතු කර ගත්තා. IMF එකේ ප්‍රධානම කොන්දේසිය තමයි එක් එක් වසරට පනවා තිබෙන බදු ආදායම කොහොම හරි එකතු කර ගැනීම. මිනිස්සුන්ට හෙන ගහලා ගියත් ආණ්ඩුවේ බදු ආදායම හෙව්වේ නැත්නම් IMF එකෙන් කුණු බැනුම් අහන්න වෙනවා. ඒ සඳහා අනුරගේ ආණ්ඩුව ගහපු ගේම මරු. එක පාරටම වෙළඳපොළේ සහල් හිඟයක් හැදුණා. හාල් මෝල් හිමියන් සමග ලස්සන රඟපෑමක් කළා. හිඟය පිට දාලා පිටරටින් සහල් ගෙන්වන්න අවසර දුන්නා. ඒ ගෙන්වන හාල් ඇටයක් ඇටයක් ගානේ බදු ගැහුවා. ඒක නියම ගේමක්. ආණ්ඩුව ඉතාම කපටි ලෙස මේ වැඩේ කළා. සතොස ටෙන්ඩර් අවලංගු වෙන විදිහටම දැම්මා. මොකද ආණ්ඩුවෙන් හාල් ගෙන්වුවොත් බදු ආදායම නැති වෙනවා. පුද්ගලික ව්‍යාපාරිකයන්ටම ගෙන්වන්න දුන්නා. ඔවුන්ගෙන් එක පාර බද්ද එකතු කරගත්තා. ව්‍යාපාරිකයා ඒ ගානට තව ලාබයකුත් තියලා විකුණගන්න විදිහට පාලන මිල වැඩි කරලා දුන්නා. ලංකාවේ ඉන්න බත් කන හරක් ටික පෝලිමේ ගිහිල්ලා වැඩි මිලට විකුණන සහල් මිලට අරගෙන ජනවාරි 1 වැනිදාට කිරිබත් කනවා. මේකම තමයි ලුණුවලිනුත් කළේ. එක පාරටම ලුණු හිඟයක් හැදුණා. හාල් සහ ලුණු කියන්නේ අත්‍යවශ්‍ය භාණ්ඩවලිනුත් අනිවාර්යෙන්ම ගන්න වෙන දේ. ඒවා පිටරටින්...

මා මෙය මින් පෙරද දැක තිබේ. එකල වැසියන් තුළ ගෝඨාභය කෙරෙහි දැඩි බියක් තිබිණි. බිය යනු රාජ්‍ය පාලනය සඳහා අත්‍යවශ්‍ය සාධකයකි. ආරක්ෂක ලේකම් හැටියට ගෝඨාභය අත ගැසූ හැම දෙයක්ම සාර්ථක වූයේ ඔහු පිළිබඳව සියල්ලන් තුළ වූ බිය නිසාය. රාජ්‍ය නිලධාරීන් ඉතා උනන්දුවෙන් වැඩ කළේ එම බිය නිසාය. කොළඹ මිනිස්සු පාරට කුණු කෑල්ලක් දාන්න බයෙන් හිටියා මතකද? අමුතුවෙන් Clean Sri Lanka ව්‍යාපෘති කරන්නට උවමනා වුණේ නැහැ. ඒ කාලේ කොළඹ නගරය දකුණු ආසියාවේ පිරිසිදුම නගරයද මොකක්දත් වුණා. රටේ විනය අමුතුවෙන් හදන්නට අවශ්‍ය වුණේ නැහැ. රාජිතගේ බොරු මිනීමෝරු කතාවලින් ඇත්තටම වුණේ රටේ මිනිස්සු වැරදි කරන්නට බිය වීමයි. රාජ්‍ය පාලනය යනු මිනිසුන් පාලනය කිරීමය. මිනිසා යනු සතෙකි. සතුන් පාලනය කළ හැක්කේ බියෙන් පමණී. පාලකයා කෙරෙහි ඇති බිය නැති වූ මොහොතේම පාලනය ගිලිහේ. ගෝඨාභය ජනපති වූ පසු ඔහු තමන් විසින්ම එම බිය නැති කර ගත්තේය. මා හිතන්නේ ඔහු ඒක කළේ හිතලමයි. ඔහු කැමති වුණේ නැහැ බියජනක චරිතයක් හැටියට ඉතිහාසයේ ලියවෙන්න. මොකද ඔහු ඇත්තටම ඉතාම කරුණාවන්ත මනුස්සයෙක්. අවස්ථාවන් විසින් තමයි ඔහුව බියකරු පුද්ගලයෙකු කළේ. නමුත් ඒ ප්‍රතිරූප පරිවර්තනය වෙනුවෙ...

“සංස්කෘති” යන වචනයෙහි අර්ථය වන්නේ උසස් කිරීම, පරිපූර්ණ කිරීම, පාරිශුද්ධ කිරීම වැන්නකි. සංස්කෘත භාෂාව යනු උසස් කරන ලද, පිරිසිදු කරන ලද, පරිපූර්ණ කරන ලද භාෂාවය. නූතන ඉංග්‍රීසියේ යෙදෙන culture යන්නෙහි මුල් අර්ථය වගාව සඳහා බිම සකස් කිරීමය. කර්කශ පොළොව කපා, මට්ටම් කර, සී සා, වල් ගලවා, වතුර බැඳ වගා කිරීමට හැකි උසස් තත්ත්වයට ගෙන ඒමේ අර්ථයෙන්ද සංස්කෘතිය උපමා ගැන්වේ.  “සංස්කෘතික මිනිසා” යනු උසස් මිනිසෙකි. ශිෂ්ට මිනිසෙකි. සදාචාරවත් මිනිසෙකි. එවැනි මිනිස් සමාජයක් “සංස්කෘතියක්” ලෙස හැඳින්විය හැකිය.  ලක් වැසියා සංස්කෘතික මිනිසෙකු බවට පත් කළේ බුද්ධ ධර්මය විසිනි. අනුරාධපුර පොළොන්නරු නටබුන් සහ මහාවංශ කතාවෙන් අපට එම පැරණි සංස්කෘතිය දැක ගත හැකිය. නමුත් ක්‍රමයෙන් පරිහානියට පත් වූ සහ පත් කර වූ ලංකාව අද තනිකරම “අසංස්කෘතිකය”. මාලිමාව යනු එහි නිශ්චිත සංකේතයයි. මාලිමාවට ඡන්දය දුන්නේ ලංකාවේ අසංස්කෘතික වනචාරියාය. ආණ්ඩු පක්ෂයේ 159 දෙනාගෙන් එම අසංස්කෘතික මිනිසුන් මනාව නියෝජනය වේ. නොනිවෙන කාම තණ්හාවෙන් පෙළෙන මධ්‍යම පාන්තික අරගලකරුවන් විසින් අසභ්‍ය අසත්‍ය අසම්මත භාවිතයෙන් බලය ලබා ගැනීමම අසංස්කෘතිකය. සංස්කෘ...

නිදහස් අධ්‍යාපනය බේරා ගන්න වැඩ වර්ජන කරන ලංකාවේ ගුරාලා ටික තමන්ගේ පාසලේ ශිෂ්‍යයන්ටම මුදලට අධ්‍යාපනය විකුණන්න එපා කියලා බස්නාහිර පළාත් සභාවෙන් දුන් නියෝගය පැය 24 ක් යන්න කලින් මාලිමා ආණ්ඩුවෙන් අහෝසි කළා. පළාත් සභාවලට උපරිම බලය දෙන්න ඕනා කියපු අනුර කුමාරගේ කණට ගැහුවා වගේ වැඩක් ඒක. පොලිස් සහ ඉඩම් බලතල දෙන්න කලින් දැනට දීලා තියන අධ්‍යාපන බලතලවත් ක්‍රියාත්මක කරන්න නොදී ඔය විදිහට තුට්ටු දෙකට දැමීම වෙනුවෙන් මහින්ද ජයසිංහට අපගේ ස්තුතිය. මේකේ මම කැමති දේ තමයි පළාත් සභාවකින් ගත් එම තීරණය ඉරලා විසි කළේ අඩුම ගානේ කැබිනට් ඇමතියෙකුවත් නොවීම. ඊටත් වඩා අධ්‍යාපන විෂය භාර නියෝජ්‍ය ඇමතිත් නොවෙයි. හරිනි මෙනවිය උඩ බලා ගෙන ඉන්න කොට මහින්ද වැඩේ කරලා ඉවරයි. එහෙම තමයි ඔය පළාත් සභාවලට සලකන්න ඕනා. දිස් ඉස් පොලිටික්ස්.

නත්තල යන වචනය හැදුන හැටි ඔබ දන්නවද? ඒ වචනය ලංකාවට හඳුන්වා දෙන්නේ පෘතුගීසි කතෝලික ආක්‍රමණිකයන් විසින්. ජේසුස්ගේ උපත ඔවුන් අදටත් හඳුන්වන්නේ Natal (ශබ්ද කරන්නේ නෑ/නා-තල්). Natal තමයි “නත්තල්” වන්නේ. Natal කියන්නේ ඉපදීමට. නමුත් මේ වචනයට ඈත අතීත සම්බන්ධයකුත් තිබෙනවා. Native, Nation, Nature වැනි තවත් බොහෝ Nat- මුලට යෙදෙන නූතන යුරෝපියානු වචන ඉපදීම හා සම්බන්ධයි. ඒවා එන්නේ පැරණි ලතින් භාෂාවේ (g)natus වචනයෙන්. මුල් කාලයේ “ජ-න” ශබ්ද එකට බැඳිලා තිබුණේ. Gender, Generation, Genetics වචන වල අර්ථයත් ඉපදීම හා සම්බන්ධයි. දැන් තේරෙනවා ඇති මේක යන්නේ කොහෙද කියලා… ජනිත, ජනන, ජාන ආදී බොහෝ වචන ඉපදීම හා සම්බන්ධයි. මව් කුසින් ඉපදීම වගේම ඊටත් වඩා ගැඹුරු අර්ථයෙන් යමක් ඇතිවීම, හට ගැනීම, ආරම්භය වගේ අදහසක් එහි තිබෙනවා. “ජාති” කියන්නේ ජනති යන්නෙහි අතීත කාල පදය. මේවා එන්නේ සංස්කෘත භාෂාවෙන්. නමුත් තවත් ඉතිහාසයට ගියොත් මේ සියලු වචන එන්නේ ප්‍රාග් ඉන්දු-යුරෝපියානු භාෂාවේ *ǵenh- වැනි ශබ්දයකින් විය හැකි බවයි භාෂා විද්‍යාඥයන්ගේ මතය. පෘතුගීසි, ඉංග්‍රීසි සහ සිංහල ඇතුළු ලෝකයේ බාගයකට වඩා “ජන”තාව කතා කරන්නේ ඒ මුල් මව් භාෂාවෙන් ප...

අර්බුද ඇති වීම වැළැක්විය නොහැකිය. නමුත් ඕනෑම අර්බුදයක් තම වාසියට යොදා ගැනීම දේශපාලනිකය.  අධිකරණ ඇමති හර්ෂණ නානායක්කාරගේ ආචාර්ය පට්ටම් ප්‍රශ්නය ඇති කර තිබෙන්නේ ජවිපෙ අභ්‍යන්තර සැලසුමක් ලෙස බව දැන් පැහැදිලි වෙමින් තිබේ. Dr කෑල්ල දමා ලිඛිතව පාර්ලිමේන්තුවට නම දී ඇත්තේ ඔහුගේම පක්ෂය විසින් බව මාධ්‍ය වාර්තා කරයි. මේ සිදුවන්නේ කුමක්ද? සිරස සටන වැඩසටහනකදී හර්ෂණ හැසිරෙන්නේ නූගත් මෝඩයෙකු ලෙසටය. “... ගහන්නේ මොන බ්‍රෑන්ඩ් එකද… මමත් කැමතියි ඒකෙන් ටිකක් බොන්න… ගහන එක ඇට පිටින් ගහන්න එපා… බම්බුව...” වැනි වාසු පන්නයේ ගොඩේ ප්‍රකාශ කරන ඔහු අවසානයේ කරන ප්‍රකාශය වඩාත්ම වැදගත්ය. “විජේවීර ඔහුගේ නායකයා නොවන බවත්, ඔහු NPP” බවත් හර්ෂණ එහිදී කියයි. හර්ෂණට ෂොට් එක දීමට හේතුව පැහැදිලිය. ඔහුගේ එම ප්‍රකාශය JVP-NPP ගැටුම “ඇට පිටින්” එළියට ආ අවස්ථාවකි. හර්ෂණ යනු ජවිපෙට නොගැලපෙන අයෙකි. ඔහු කතා කරන්නේ මෝඩ අහංකාර හාමු මහත්තයෙකු මෙනි. ටිල්වින් ඇතුළු ජවිපෙ නායකයන්ට හර්ෂණගේ පම්පෝරිය දිරවන්නේ නැත්නම් එය ඉතාම සාධාරණය. නියම ජේවීපීකාරයා කතා කරන්නේ ටිල්වින් හෝ බිමල් හෝ කතා කරන ආකාරයටය. එය ඔවුන්ගේ සංස්කෘතික ලක්ෂණයකි. ඉවත් කර ...

ජනාධිපති වී මාස 3 ක් ගත වී ඇතත් අනුර තවමත් ගෙන යන්නේ රනිල්ගේ ආර්ථික වැඩපිළිවෙළය. ඒ ඇයි? අනුරට සිදු වී ඇත්තේ මහත් අකරතැබ්බයකි. ඔහුට රාජ්‍ය පාලනයේ අත්දැකීම් නැත. ගොඩ ඉඳගෙන පීනන හැටි ගැන උපදෙස් දුන් එකාව අල්ලා මුහුදට තල්ලු කළාක් වැනි වැඩක් තමයි ඇත්තටම වුණේ. ඔබේ ආයතනයේ සේල්ස්රෙප් කෙනෙකුව එක වර ප්‍රධාන විධායක නිලධාරියාගේ පුටුවේ වාඩි කළොත් මොන වගේ තියේවිද! දොරටුපාලයා රජ වුණා වගේ කියා අපේ පැරැන්නන් කියා තිබෙන්නේ මෙන්න මෙවැනි අවස්ථා සඳහාය.  ඒ මදිවාට රාජ්‍ය පාලනය තබා තමන්ගේ හැකර කටවත් පාලනය කර ගන්න බැරි බබ්බු 159 ක් පාර්ලිමේන්තුවට එවීමෙන් රාජ්‍යයේ සමස්ත වගකීමම අනුර මත පටවා තිබේ. පාර්ලිමේන්තුව හරියට මොන්ටිසෝරියක් වැනිය. අනුරගේ පැත්තෙන් ගත් විට මෙය අතිශය බරපතල තත්ත්වයකි. තමන්ට 2/3 ක් එපා කියා ඔවුන් කීවේ මේ ප්‍රශ්නය ඔවුන්ට එන බව ඔවුන් දැන සිටි නිසාය. මෙවැනි අවස්ථාවක තමන් විසින් දෙඩවූ පණ්ඩිතකම් කරන්නට ගිය හොත් කබලෙන් ලිපට වැටිය හැකි බව අනුර දනී. තමන්ගේ නොහැකියාව අවබෝධ කර ගැනීමට තරම් බුද්ධියක් ඔහුට තිබේ. එය හොඳ දෙයකි. ඒ අනුව මෙවැනි තත්ත්වයක ඔහු කරන්නේ පවතින තත්ත්වය (status quo) හැකි තාක් කාලයක් ...

කිරුළපන ධම්මවිජය නමින් සිටි භික්ෂුව සිවුරු හැර ගිය ප්‍රවෘත්තියක් පසුගියදා ප්‍රචාරය විය. මා ඒ ගැන වැඩිපුර සෙව්වේ නැත. මන්ද එය මා හට පුදුමයක් නොවූ හෙයිනි. ගිහි ජීවිතයෙන් නික්මෙන භික්ෂුව නැවත ගිහි ජීවිතයට වැටීම අභාග්‍යයක් වුවත් වර්තමානයේ ඒ සඳහා විශාල පෙළඹවීමක් තිබේ. එය වෙන්නේ කෙසේද? සිද්ධාර්ථ ගෞතම බෝධිසත්වයන් ගිහි ගෙයින් නික්ම යන්නේ එහි දුක් සහිත බව ඒකාන්තයෙන්ම අවබෝධ කර ගෙනය. නෙක්ඛම්මය හෙවත් නික්මීම යනු ගිහි ජීවිතය පිළිබඳව ඇති වන කලකිරීම විසින් නිරායාසයෙන් සිදු වන දෙයකි. ගිහි ගෙය පිළිබඳව සැබැවින්ම කලකිරුණු පුද්ගලයා අනිවාර්යෙන්ම ඊළඟට කරන්නේ නික්මීමයි. ඔහු නැවත කිසිවිටෙක පෙර තැනට යන්නේ නැත. උස් තැනින් පහත් තැනට ජලය ගලන්නාක් මෙන් වන එය තාර්කික හේතු-ඵල දහමකි. නමුත් මහණ වෙන සෑම පුද්ගලයාම එසේ ගිහි ගෙය පිළිබඳව සැබැවින්ම කලකිරුණු අය නොවේ. එදා මෙන්ම අදත් ලෞකික ලාභ ප්‍රයෝජන ඇතුළු විවිධ අන්‍ය හේතු මත පුද්ගලයන් පැවිදි වේ. එය වැළැක්වීම අපහසුය. පැවිදි වන ඇතැමුන් තමාට ගිහි ගෙය එපාය කියා අවංකව සිතුවත් ඔවුන්ට තවම අර පූර්ණ කලකිරීම ලැබී නැත. එවැන්නවුන්ට නැවත ගිහි ගෙයට වැටෙන්නට පහසුය. මෙයට බොහෝ දුරට වගකි...

කෝවිඩ් වැළඳී මළ ලංකාවේ 16,900 පමණ දෙනාගෙන් මුස්ලිම් ජාතිකයන් ගැන පමණක් කතා කරන රවුෆ් හකීම් විසින් නැවතත් ආදාහන-භූමදාන ප්‍රශ්නය මතු කරමින් තිබෙනවා. එයට පිළිතුරු දෙමින් නලින්ද ජයතිස්සත් සම්පූර්ණ වරද එවක පැවති ආණ්ඩුව වෙත පටවනවා. පාස්කු ප්‍රහාරය වගේ මේකත් දැන් කාලෙන් කාලෙට ගොඩගන්න දේශපාලන මිනියක් වෙලා. නමුත් මේකේ ඇත්ත දන්නේ කවුද? මේ ගැන උත්තර දෙන්න සුදුසු කෙනෙක් තමයි අනිල් ජාසිංහ. ඔහු එවක සෞඛ්‍ය සේවා අධ්‍යක්ෂ ජෙනරාල්. ආදාහනය කිරීමට ගත් තීරණය පිළිබඳව මුල සිට අගට ඔහු දන්නවා. ඒ වගේම ඔහු දැන් NPP ආණ්ඩුවේ සෞඛ්‍ය අමාත්‍යංශ ලේකම්. එබැවින් ඔහුට යුතුකමක් තිබෙනවා මේ ප්‍රශ්නයට සාධාරණ පිළිතුරක් දෙන්න. මේ තියෙන්නේ ස්වභාවික සම්පත් පිළිබඳ ශ්‍රී ජයවර්ධනපුර විශ්ව විද්‍යාලයේ මහාචාර්ය මෙත්තිකා විතානගේ ඒ අවස්ථාවේ සියලුම දේහ ආදාහනය කළ යුතු බවට පර්යේෂණ වාර්තා මත පදනම්ව අමාත්‍ය අලි සබ්‍රිට යවපු ලිපිය. ඒ දවස්වල ඇය තමයි කෝවිඩ් විශේෂඥයවරිය වුණේ. ජනමාධ්‍යය ඔස්සේ විශාල ප්‍රචාරයක් ඇයට දුන්නා. ආදාහනය සඳහා ඇයගේ විශේෂඥ උපදෙස තදින් බලපෑවා. නලින්දට ඒ ගැනත් කියන්න සදාචාරයක් තිබෙනවා. ඒ දවස්වල හැමෝම කිව්වේ “විද්‍යාත්මක...

අද සජිත් ප්‍රේමදාස කළේ නියම වැඩක්. කාලයක් තිස්සේ නූගත් ඉරිසියාකාර බොරු ආචාර්ය මාලිමාකාරයන් විසින් සජිත්ගේ අධ්‍යාපනය පිළිබඳව එල්ල කළ බොරු මඩ කතා සියල්ලට හරි ලස්සන පිළිතුරක් ඔහු අද දුන්නා.  ඉතාම ඉවසීමෙන්, ආත්ම විශ්වාසයෙන් සහ සැහැල්ලුවෙන් තමන්ගේ සහතික පත්‍ර පෙන්වමින් ඔහු අවංකව ඔහුගේ අධ්‍යාපන පසුබිම පාර්ලිමේන්තුව ඇතුළෙම තහවුරු කළා. මම කැමතිම වුණේ ඔහුගේ වෙනදා තිබෙන පම්පෝරි ස්වරය නැතිව හරිම නිහතමානීව ඒක කරපු හැටියටයි. වෙල් ඩන් සජිත්! ආර්. ප්‍රේමදාස අද හිටියා නම් අනිවාර්යෙන්ම ඔහුගේ පුතා ගැන ඔහු ආඩම්බර වෙයි. මම හිතන්නේ මේක මරු වැඩක්! පුරවැසියෙක් හැටියට මම යෝජනා කරනවා විපක්ෂයේ සියලු මන්ත්‍රීවරු සජිත් කරපු වැඩේ පාර්ලිමේන්තුවේ කරන්න කියලා. හැමෝම විනාඩි දහයක් විතර අරගෙන තමන්ගේ අධ්‍යාපන සහතික පෙන්වලා, සභාගත කරලා, පාසලේ, විශ්ව විද්‍යාලයේ, ආයතනයේ ලද විශේෂ සම්මාන ගැන ලස්සනට වෘත්තියමය විදිහට කියන්න.  ජනාධිපතිවරයෙක් වුණු මිනිහෙකුගේ පුතෙකු වීම සජිත්ගේ වරදක් නොවෙයි. ඒක සජිත්ගේ වාසනාව. ඒ නිසාම ඔහුට එයින් දුර්විපාකත් උරුම වුණා. බොහෝ කර්මවල හොඳ සහ නරක විපාක දෙකම තියෙනවා. සමහරු ඉන්නවා දුප්පත් පවුලක ඉ...

කෝවිඩ් සමයේ දිල්ලියේ දර්ශනයක්  කතානායකගේ අපකීර්තිමත් සිද්ධියෙන් NPP යට බොහෝ රිදී ඇත. ඊයේ පාර්ලිමේන්තුව තුළ ඔවුන්ගේ වියරු හැසිරීමෙන් ඒ බව මනාව පෙනිණි. එය කෙතරම් බරපතලද යත් වසංගතයෙන් මළ මුස්ලිම් ජාතිකයන්ගේ මෘතදේහ පවා ගොඩගන්නට හරිනිට සිදු විය. අනුර කුමාර බුද්ධගයාව වැඳ පුදා ගනිද්දී ඔහුගේ සහචරයන් දියවන්නාව වතුර මැද්දේ පිස්සු බල්ලන් මෙන් බිරුවේය. ඔවුන්ගේ වේදනාව අප තේරුම් ගත යුතුය. අප කළ යුත්තේ ඔවුන්ගේ එම සැබෑ සාහසික පාට ජනතාවට නැවත නැවත දකින්නට සැලැස්වීමය.  තමන් විසින් උල් පිහියෙන් ඇන මරා දැමූ දහස් ගණනක් අහිංසක සිංහල වැසියන්ගේ දේහයන්ට අවසන් ගෞරව දක්වන්නට ඉඩ නොදුන් NPP ත්‍රස්තයන් අද මුස්ලිම් ජාතිකයන්ගේ මරණ චාරිත්‍ර ගැන කිඹුල් කඳුළු හෙළීම සිත් ගන්නා සුලුය. කිසිදු සදාචාරාත්මක බවක් නැති වුවත් එය ඉතාම සාර්ථක දේශපාලන උප්පරවැට්ටියකි. ලංකාවේ බොහෝ මුස්ලිම් ජාතිකයන් කෙතරම් අධ්‍යාපනය ලැබුවත් ඔවුන් මෙවැනි කාරණාවලින් පහසුවෙන් ආවේගයට පත් කළ හැකිය. එයට හේතුව ඔවුන්ගේ දැඩි ආගමික විශ්වාසයයි.  NPP ආණ්ඩුවේ කැබිනට් එකට එකදු මුස්ලිම් ජාතිකයෙක් හෝ වැද්ද නොගත්තේ රාජ්‍ය පාලනය සඳහා “ජාතිය” සලකන්නේ නැතය ...

අනුර කුමාර ජනපති වීමට පෙර සහ පසු ලෙස චරිත දෙකක් බිහි වී තිබේ. ජනපති වීමට පෙර කියූ ආකාරයට සපුරා වෙනස්ව ජනපති වීමෙන් පසුව ඔහු හැසිරේ. එසේ වන්නේ ඇයි?  එයට හේතුව තනතුරේ ස්වභාවයයි. තනතුර දරන්නා කවුරු වුවත්, එම පුද්ගලයාට ඒ තනතුරට අනුගත වීමට සිදු වේ. මෙය තේරුම් ගැනීම එතරම් අපහසු නැත. ඔබ සේවය කරන ආයතනයේ ඔබේ තනතුර නිර්මාණය කරන්නේ ආයතන ප්‍රධානීන් විසින් ඔවුන්ට උවමනා ආකාරයටය. ඒ තනතුරේ වගවීම්, වගකීම්, කාර්යභාරයන් ආදිය පළමුව තීරණය කෙරේ. එම තනතුර සඳහා පුද්ගලයෙකු තෝරා ගන්නේ ඉන් අනතුරුවය.  ඒ සඳහා ඔබව තෝරා ගත්තාට ඔවුන් ඔබගෙන් අපේක්ෂා කරන්නේ අර තනතුරට අනුව කටයුතු කිරීමටය. ඔබට ඕනා විදිහට තනතුර වෙනස් කළ නොහැකිය. අනුරට පමණක් නොව, ගෝඨාභයට පවා සිදු වූයේ එයයි. ඇතැමුන් ඒ දවස්වල ඉල්ලුවේ ආරක්ෂක ලේකම් ගෝඨාභයයි. නමුත් ජනපති වූ පසු ගෝඨාභයට තව දුරටත් ආරක්ෂක ලේකම් ලෙස වැඩ කළ නොහැකිය. සිස්ටම් එක යනු එයයි. උදාහරණයක් ලෙස දැන් අනුරට පෙර මෙන් ඉන්දියාවට ප්‍රසිද්ධියේ දොස් කියන්නට බැරිය. ඉස්සර දෙරට අතර බලශක්ති සම්බන්ධය හදනවාට විරුද්ධ වුණාට ජනපති වූ පසු එසේ කිරීමට නොහැකිය. ඉස්සර ETCA එකට විරුද්ධ වුණාට දැන් එහෙම කරන්...

මාගේ විඥානය නිතරම සකස් වෙන්නේ දුබලයාට අනුකම්පා කිරීමටය. බහුතරයගේ මතය මම බොහෝ විට දකින්නේ වැරදිය කියාය. (ප්‍රජාතන්ත්‍රය යනු බහුතර මතය නොවේ.) විශේෂයෙන්ම ලංකාව වැනි මෝඩ ජනතාවක් සිටින රටක මා ජනතා රැල්ලට එරෙහිව සිටින්නෙකි. ගෝඨාභයට එරෙහිව සාහසික අරගලකරුවන් පෙළගැසෙන විට මා ගෝඨාභය වෙනුවෙන් කොන්දේසි විරහිතව පෙනී සිටියේ ඒ නිසාය. රංවලට එරෙහිව සියලු දෙනා වට කර ගහන විට මට ඔහු ගැන අනුකම්පාවක් ඇති වේ. එසේ කළ යුතුද? ජනපති ගෝඨාභය සිය ප්‍රතිපත්ති ප්‍රකාශනයෙන් පොරොන්දු වූ පරිදි වසවිස නැතිව මේ රටේ මෝඩ වැසියන්ට කන්න දෙන්න සහල් එළවළු පළතුරු හදන්න පත් කළ කමිටුවේ ප්‍රධාන සාමාජිකයෙක් තමයි අසෝක රංවලගේ පොහොර කොම්පැනිය. අසෝක වෙනුවට කමිටුවේ හිටියේ කසුන් තාරක නමැත්තෙක්. මට දැන ගන්න ලැබුණ විදිහට අනුරාධපුර සහ අම්පාර දිස්ත්‍රික්ක දෙක සඳහා අවශ්‍ය පොහොර හදන්න බාර ගත්තේ රංවලගේ කොම්පැනිය. නමුත් ඔවුන් ඒක සාර්ථකව ඉටු කළේ නැහැ.  ඇතැමුන් කියන විදිහට රංවල කළේ ගෝඨාභයගේ කාබනික පොහොර ව්‍යාපෘතිය උවමනාවෙන්ම කඩාකප්පල් කිරීමක්. එහෙම හිතන්න තුඩු දෙන කාරණය තමයි අනුර කුමාරලා නාමල් කරුණාරත්නලා එළියේ නූගත් ගොවියන් උසි ගන්වමින් කුඹුරු ...

රංවලගේ ඉල්ලා අස්වීම සිදු වූයේ විරුද්ධ පක්ෂය විශ්වාසභංග යෝජනාවක් ගෙන ඒමට හදිස්සි වූ නිසා බව පැහැදිලිය. 17 වැනිදා ප්‍රකාශයක් කරන බවට කියා තිබියදී අද හදිසියේ ඉල්ලා අස්වීම අස්වාභාවිකය. නමුත් මෙම සිදුවීමෙන් අපට ඉතා වැදගත් කරුණු කිහිපයක් කියවා ගත හැකිය. රංවලට එල්ල වූයේ ඉතාම සැලසුම් සහගත ප්‍රහාරයකි. එහි ඉලක්කය වූයේ රංවල නොවේ. කතානායක පුටුවය. ඊළඟට කතානායක වන පුද්ගලයාගෙන් එම ව්‍යාපෘතිය කළේ කවුදැයි නිශ්චිතව හඳුනා ගත හැකිය. මෝඩ වැසියන් හිතන්නේ රංවලව ඉවත් කළේ ඔවුන් කියාය. නැත. රංවලව ඉවත් කිරීම සිදු වුනේ වෙනත් පාර්ශවයක් විසිනි. සුපුරුදු පරිදි බොළඳ වැසියන් එම ප්‍රොපගැන්ඩාවට රැවටිණි. NPP ය මට්ටු කළා කියා චූන් වීමත්, දැන් හරිදේ කළා කියා අනෙක් පැත්ත චූන් වීමත් දේශපාලනිකව නොවැදගත්ය. රංවලට ඉල්ලා අස්වෙන්න කියන්න තරමේ විශාල පීඩනයක් අනුර කුමාරට පැමිණ තිබේ. අනුර කුමාර ඉතාම නිවට ලෙස එම පීඩනයට යටත් වී තිබේ. එය මුළු ආණ්ඩුවම පමණක් නොව සමස්ත විධායකයම බියට පත් කරවන තත්ත්වයකි. ඕනෑම සංවිධානයක් පවත්වා ගැනීමට නම් එම සංවිධානයේ නායකයා විසින් එහි සාමාජිකයන් ආරක්ෂා කරන බවට ඔවුන් තුළ විශ්වාසයක් තිබිය යුතුය. රංවලට කළ දෙයින්...

කතානායක රංවලගේ උපාධි අවුල අනවශ්‍ය දේශපාලන අර්බුදයක් බවට පත් කිරීමට නිර්මාල් දේවසිරි උත්සාහ ගනිමින් තිබේ. ඔහු කියන්නේ සිය අධ්‍යාපන සුදුසුකම් පිළිබඳව රංවල බොරු කියා ඇති බැවින් දැන් ඔහුව මන්ත්‍රී තනතුරෙන් පවා ඉවත් කළ යුතු බවයි. එය ගොබ්බ තර්කයකි. රංවලට ඡන්දය දුන් ගම්පහ ජනතාව පබාටත් ඡන්දය දී පාර්ලිමේන්තු එව්වේය. ගම්පහ යනු ලංකාවේ වැඩිම මෝඩයන් ප්‍රතිශතයක් ජීවත් වෙන දිස්ත්‍රික්කය බව මෙරට මැතිවරණ ඉතිහාසය විසින් ඔප්පු කර තිබේ. දේවසිරි කියන හැටියට ඔවුන් රංවලට ඡන්දය දී තිබෙන්නේ රංවලට තිබෙනවාය කියූ ආචාර්ය උපාධිය නිසාය. එබැවින් එම වැසියන් රංවලට දුන් “ඡන්දය නැවත ගැනීමේ අයිතියක්” (Right to recall) තිබේය යන්න දේවසිරිගේ තර්කයයි. පළමුව කිව යුත්තේ right to recall යනු නලින්ද ජයතිස්සගේ වචනයෙන් මෙවැනි “දණහිසෙන් පහළ” කාරණා සඳහා භාවිතා කරන මෙවලමක් නොවේ. වැසියන්ට Right to recall ඇත්නම් මුලින්ම recall කළ යුත්තේ මුදල් ඇමති හැටියට අනුර කුමාරවය. මන්ද IMF සමග රනිල්ගේ ආණ්ඩුව කළ ගිවිසුම නැවත සාකච්ඡා කොට වෙනස් කරන බවට පුන පුනා කියූ අනුර දැන් යස අගේට IMF එකේ පදේට නටමින් ඉන්නා නිසාය. Right to recall කරන්නේ තමන් කරන හෝ නො...

ආණ්ඩුවේ මාධ්‍ය ප්‍රකාශක නලින්ද ජයතිස්ස විසින් සිදු කළ ආවර්ජනය අපූරුය. ලක් ඉතිහාසයේ කෲරතම චාරිත්‍රය දෙරණ 360 දී ඔහු ඉතා සියුම් ලෙස ජනතාවට සිහිපත් කළේය. 88-89 අවිචාර යුගයේ ජවිපෙ විසින් ඝාතනය කළ වැසියන්ගේ මෘතදේහ දණහිසෙන් ඉහළට එසවීම ඔවුන් තහනම් කළේය. මරා දැමූ පසුව එම මෘත දේහයට පවා අවමන් කළ එකම ත්‍රස්ත සංවිධානය ජවිපෙය. නමුත් මා සිතන්නේ එම තර්ජනයේ ඉලක්කය වූයේ නිර්මාල් දේවසිරි සහ මහින්ද දේශප්‍රිය බවයි. නලින්ද එම ප්‍රකාශය කරන්නේ රංවලගේ උපාධි අවුල අරබයාය. ඔහු කියන්නේ එම ප්‍රශ්නය ඔවුන් “දණහිසෙන් ඉහළට නොගන්නා” බවයි. එනම් එය ඔවුන් වැදගත් කාරණයක් ලෙස නොසලකන බවයි. හරියට එදා ජවිපෙ ප්‍රතිවාදීන්ගේ මරණය වැනි නොවැදගත් දෙයක් බවයි. ජවිපෙ සාමාජිකයෙක් විසින්ම එම දණහිසෙන් පහළ කතාව ප්‍රසිද්ධ මාධ්‍යයේ නැවත ප්‍රකාශ කිරීම දෛවෝපගතය. රංවලගේ ප්‍රශ්නය වැඩිපුරම ඇද්දේ නිර්මාල් දේවසිරි සහ මහින්ද දේශප්‍රියයි. ඒ අනුව නලින්දගේ ප්‍රකාශයෙන් කියවෙන්නේ දේවසිරි සහ දේශප්‍රිය යනු දණහිසෙන් පහළ තබා සැලකිය යුතු චරිත බවයි. මා එයට එකඟ නොවූවත් නලින්ද එසේ සිතන්නේ නම් එය මාලිමා ආණ්ඩුව පැත්තෙන් නිවැරදිය. රංවලගේ උපාධි ප්‍රශ්නය ඇද්ද අනෙකා ව...

රනිල්ගේ පුත්තු අතරින් රනිල්ගේ ජයග්‍රහණය වෙනුවෙන් වැඩිම මහන්සියක් වුණේ නිර්මාල් දේවසිරිය. කාංචන වැන්නවුන් රනිල් වෙනුවෙන් වැඩ කළේ 2022 න් පසුවය. රනිල් අනුප්‍රාප්තික ජනාධිපති කිරීම සඳහා සැබැවින්ම ඔවුන් පළමුව දැඩි ලෙස විරුද්ධ විය. රනිල් වෙනුවෙන් ඡන්දය දීමට ඔවුන් කැමති කරවා ගත්තේ මහත් අමාරුවෙන්ය. එබැවින් ඔවුන් රනිල්ගේ පුත්තු වුණේ මෑතකදීය. නමුත් නිර්මාල් දේවසිරි එසේ නොවේ. ඔහු මුල සිටම රනිල්ගේ සුජාත පුතෙකි.  2015 ඊනියා යහපාලනය හරහා රනිල්ට රාජ්‍ය බලය අල්ලා දීමට නිර්මාල් දේවසිරි FUTA එක පවා කඩේ යැව්වේය. එමෙන්ම 2022 නැවතත් රනිල්ට රාජ්‍ය බලය අල්ලා දීම වෙනුවෙන් නිර්මාල් ගෝල්ෆේස් එකේ කූඩාරම් ඇතුළේ නොකළ දෙයක් නොමැත. නැවතත් 2024 ජනපතිවරණයෙන් රනිල් දිනවීම සඳහා නිර්මාල් මාලිමාව වෙනුවෙන් කඩේ ගියේය. වෙනකක් තබා පෙසපට හේත්තු වී සිටි දර්ශනයක් නැති විදර්ශන කන්නන්ගර වැන්නවුන් උදේ හවහා බ්‍රේන්වොෂ් කර ගැලෙව්වේය. නමුත් 2024 දිනුවේ අනුර නේද? කියා ඔබ අසනු ඇත. ඒ ඔබේ දේශපාලන කියවීමේ සීමාවයි. ලංකාවේ ජනතාවට මෙම ව්‍යුහාත්මක දේශපාලන දැනුම නැත. 2024 දිනුවේත් රනිල්මය. අද ක්‍රියාත්මක වෙන්නේ කාගෙ IMF වැඩසටහනද? කාගෙ ආර්ථ...

අතිගරු අනුර කුමාර ඊයේ සහල් ව්‍යාපාරිකයන් කැඳවා ප්‍රසිද්ධියේ තර්ජනය කළේය. දවස් හතක් ඇතුළත සහල් ප්‍රශ්නය නොවිසඳුවහොත් “ඊළඟ පියවර” ගන්නා බවට මේසයේ අත ගසා තර්ජනය කළේය. ජනාධිපති මාධ්‍ය අංශයත් බොහෝ චූන් වී එය ඒ ආකාරයෙන්ම ප්‍රසිද්ධ කළේය. එය හරියට මලයාලම් ෆිල්ම් සීන් එකක් වගේ ක්රින්ජ් සහගතය. ගෝඨාභයගේ මාධ්‍ය අංශයත් එවැනි විශිෂ්ට ගොන්කම් කළේය. ගෝඨාභයටත් අනුරටත් ඡන්දය දුන් ගොඩේ බයියන් චූන් කිරීමට නම් ඒවා හොඳය. පසුව ජනප්‍රිය විහිළු බවට පත් වූ ප්‍රකාශ ඒ දවස්වල එළියට දැම්මේ දුරදිග නොහිතාය. එවැනි වැඩවලින් කාරණා දෙකක් පැහැදිලි වේ. පළමුවැන්න නම් අතිගරු අනුර කුමාර ඉන්නේ දැඩි පීඩනයක බවයි. පරිණත රාජ්‍ය නායකයෙක් කවදාවත් තමන් ඉන්නේ පීඩනයක කියා මහා ජනතාවට පෙන්වන්නේ නැත. රාජ්‍ය නායකයා සෑම විටම ඉතා සන්සුන් විය යුතුය. සන්සුන්කම යනු ඉතාම බිය උපදවන චර්යාවකි. අනුරගේ පිප්පිල්ලෙන් සිදු වූයේ සහල් ව්‍යාපාරිකයන් හිත යටින් සිනා සීමයි. මෙයට පෙර ජනමාධ්‍ය ආයතන ප්‍රධානීන් කැඳවා කළ තර්ජනයත් ඒ ආකාරය. ඔවුන් පිටත්ව ගියේ “දෙන්නම් උඹට!” කියා සිනා සෙමිනි. දෙවැනි කාරණය නම් සහල් ප්‍රශ්නය විසඳන ආකාරය පිළිබඳව අනුරට පැහැදිලි අවබෝධයක් න...

රාජපක්ෂලා බලයේ හිටියා නම් අනුර කුමාර මෙලහකට රාජපක්ෂලා සොරා කෑ පොල් ගෙඩි ප්‍රමාණය දශමයට ගණන් හදා වේදිකාවේ කියන්නේය. බුරම්පි මාමලාගේ නාමල් කරුණාරත්න පොල් කුඩු කටේ දමාගෙන පොල් වතුර ඔළුවේ හලාගෙන මාධ්‍ය සාකච්ඡා තියන්නේය. උගන්ඩා නිලන්ති මෙලහකට රාජපක්ෂලා පොල් ලෙලි ගසා පටවා ගෙන ගිය හැටි අවබෝධයෙන් කියන්නාය. ඩේටා සයන්ටිස්ට් චතුරංග අබේසිංහ මෙලහකට ලංකාවේ පොල් ගස් ගණන, ගසක හැදෙන කුරුම්බැට්ටි ගණන, පොල් ගෙඩියේ විෂ්කම්භය ඇතුළු සියලු දත්ත සිය බිස්සට දමා සොලවා රාජපක්ෂලා කෑ පොල් ප්‍රමාණය බුග් ගා කියන්නේය.  නමුත් දැන් තව දුරටත් රාජපක්ෂලාට හොරා කියා බනින්නට නොහැක. මන්ද, නූගත්ම ගොඩේ බයියන් සහ වෛරීම ජෙප්පන් හැරෙන්නට වෙන කිසිවෙක් දැන් එය පිළිගන්නේ නැති නිසාය. එබැවින් දැන් අලුත් හොරු අවශ්‍ය කර තිබේ. ඒ සඳහා දැන් ආචාර්ය හාන්ස් විජේසූරිය උපදෙස් දෙන අතිගරු අනුර කුමාරගේ උගත් බුද්ධිමත් ආණ්ඩුව විසින් තෝරා ගෙන ඇත්තේ අනේ අර අහිංසක වන සතුන්ය. දැන් ලංකාවේ සියලු ප්‍රශ්නවලට වැරදි අහිංසක රිළවුන්ය. අලි ඇතුන්ය. වල් ඌරන්ය. දඬු ලේනුන්ය. කුරුල්ලන්ය. දක්ෂිණ අධිවේගී මාර්ගයේ ගොස් දඩමස් උයා කන හැටි ගැන ඉගැන්වූ මෝල් ද ලාල්කාන්ත උ...

කතානායක රංවලගේ BSc සහ PhD උපාධිවල සත්‍යතාවය අරබයා ප්‍රශ්නයක් ඇති වී තිබේ. NPP පක්ෂය පැත්තෙන් ඒ පිළිබඳව වහාම විමර්ශනය කර දැඩි පියවර ගන්නා ලෙස නිර්මාල් දේවසිරි ගුරු දේවයන් මාලිමා ආණ්ඩුවට ටෝක් එකක් දී තිබේ. රංවලගේ අධ්‍යාපන සුදුසුකම් ඔප්පු කිරීමට නොහැකි නම් වහාම ඉල්ලා අස්වන ලෙස මහින්ද දේශප්‍රියද ටෝක් එකක් දී තිබේ. මම නම් අතිගරු අනුර කුමාර ජනපතිඳුට කියන්නේ මේ අයගේ ඔය සුචරිත සූචක ටෝක්ස් පයිසෙකට මායිම් නොකරන ලෙසය. රංවලගේ මයිල් ගසකට හෝ අත නොතැබිය යුතුය. එයට හේතුවක් තිබේ. 2019 ගෝඨාභය රාජපක්ෂ මහතා ජනපති වීමෙන් පසුව මමත් ඔය වගේ ප්‍රකාශ කළෙමි. පොහොට්ටු ආණ්ඩුවේ වැරදි පෙන්වමින් ඒවා නිවැරදි කර ගත යුතු ආකාරය පිළිබඳව උපදෙස් දුන්නෙමි. මා හිතුවේ ගෝඨාභය ජනපති වුණේ මේ රටේ ජනතාව තුළ සිදු වූ කිසියම් බුද්ධිමය පරිවර්තනයක් නිසා කියාය. මා එකල එය හැඳින්වූයේ “සහශ්‍රයේ පරම්පරාවේ නැගීම” (Rise of the Millennials) කියාය. නමුත් පසුව මා තේරුම් ගත්තේ ලකේ ජනතාව තුළ එවැනි කිසිදු බුද්ධිමය පරිවර්තනයක් සිදු වී නොමැති බවයි. ලංකාවේ සහශ්‍රයේ පරම්පරාව යනු අන්තිම නූගත් ගොඩේ ගොබ්බ හැත්තක් බව අරගලය තුළින් ඔප්පු විය. එවැනි තත්ත්වයක් ...

මෙවර හැදී ඇති පාර්ලිමේන්තුව තනිකරම ලංකාවේ නූතන මධ්‍යම පන්තිය ඒ ආකාරයෙන්ම නියෝජනය කරන එකකි. කතානායක යනු එම සමාජයේ හොඳම නියෝජනයකි. ඔහු ඊනියා උගතෙකි. නමුත් ඔහුට නිවැරදිව ඉංග්‍රීසි වචන උච්චාරණය කළ නොහැකිය. Honourable යන වචනය උච්චාරණය කරන්නේ “හොනරබල්” කියාය. එය අහන විදේශ තානාපතිවරුන් උපහාසයෙන් සිනා සේ. ලංකාවේ නූතන මධ්‍යම පාන්තිකයාද එවැන්නෙකි. ඔවුන් බහුතරයකට නිවැරදිව ඉංග්‍රීසි උච්චාරණය කළ නොහැකිය. ලාංකිකයෙකුට ඉංග්‍රීසි නොහැකි වීම ප්‍රශ්නයක් නොවේ. ප්‍රශ්නය වන්නේ දන්න සිංහලයෙන් කතා කිරීම අවතක්සේරු කර, බැරි ඉංග්‍රීසි කියමින් පොෂ් වෙන්නට ගොස් වරිගේ නසා ගැනීමය. එය හීනමාන සංකීර්ණයකි. ලාංකික මධ්‍යම පාන්තිකයා තුළ මෙය පැහැදිලිව දැක ගත හැකි චර්යාවකි. මෙය වඩාත්ම හාස්‍යජනක වන්නේ අර සුද්දාගේ බොරු සුදු කොණ්ඩයත් දමාගෙන කැඩිච්ච ඉංග්‍රීසියෙන් කතා කරන විටය. ඒ මධ්‍යම පාන්තිකයා මුල් දවසේ එම කොණ්ඩය යටින් එකතු කර කටුවක් ගසා ගෙන ආවේය… කිසිදු සන්සුන් බවක් නොපෙන්වන ඔහු ළඟ සිටින සහායකයා කියන කියන දෙය කරයි. “ගරු කතානායකතුමනි… ගරු කතානායකතුමනි…” යනුවෙන් තමාවම අමතා ගනියි. එය හරියට අර විනෝද සමයේ බර්ටි ගුණතිලක විසින් වරක්...

දකුණේ සිංහලයන්ට ආණ්ඩුව ඔප්පු කරන්න හදන්නේ උතුරේ දෙමළු කිසිම ආකාරයක කොටි සැමරුමක් කර නොමැති බවයි. එනම් සතියක් පුරා ඔවුන් සමරා ඇත්තේ “කොටි නොවන” දෙමළ මළවුන් බවයි. ඒ මළවුන් අතර කිසිදු එල්ටීටීඊ සාමාජිකයෙකු නොමැති බවයි. අම්මලාගේ බඩ කපා, ඇකයේ හුන් අත දරුවන් පොළොවේ ගසා මරා දැමූ එකදු සාහසික කොටියෙකු ඒ අතර නොමැති බවයි. නාම පුවරු ගසා, මල් තියා, පහන් පත්තු කර සමරා ඇත්තේ අවි නොගත් අහිංසක සිවිල් දෙමළ වැසියන් බවයි. ඔවුන්ට ඊනියා “මහාවීර්” කියන්නේ නිකමට බවයි. එල්ටීටීඊ ත්‍රස්ත නායකයාගේ උපන් දිනයට සමගාමීව එය කරන්නේ තනිකරම අහම්බයෙන් බවයි. එය සත්‍යයක් නම් ආණ්ඩුවේ එම උත්සාහය දෙමළ ඩයස්පෝරාවට එල්ල කරන කණ පැලෙන අතුල් පහරකි. ඔය ත්‍රස්තානුකම්පක නිර්මාල් දේවසිරිගේ සිත රිදී ඇත්තේ ඒ නිසාය. ආණ්ඩුවට කඩේ යන ඊනියා fact චෙකර්ලා පශ්චාත්භාගය ඉරා ගෙන සාක්ෂි සහිතව ඔප්පු කර ඇති පරිදි ත්‍රස්තයන් සමරා ඇත්තේ කැනඩාවේ හෝ ඕස්ට්‍රේලියාවේ සිටින දෙමළ ප්‍රජාව විසින් පමණී. ඊලාම් සිතියම සහ කොටි නායකයාගේ රූපය පෙනෙන පරිදි සමරා ඇත්තේ පිටරට මිසක් ලංකාවේ නොවේ. ආණ්ඩුව කියන්නේ පිටරට එහෙම කරන්න ඉඩ දුන්නත් ලංකාවේ හතර මායිමේ එවැන්නක් කිරීමට ඔවුන...